Chicken with mustard greens

-

আমিষ
লাইশাকেৰে মাংস ভজা


উপকৰণ:
ব্ৰইলাৰ মাংস ৩০০গ্ৰাম
আলু চাৰিটা
ওলকবি এটা
লাইশাক সৰু এমুঠি
পিয়াঁজ চাৰিটা
আদা নহৰু জোখমতে
মচলা (গোটা জিৰা, ধনীয়া, পাঁচফুৰণ আধা চামুচকৈ, জালুক এচামুছ, শুকান জলকীয়া দুটা ভাজি গুৰি কৰি লোৱা)
তেল জোখমতে
নিমখ হালধি  জোখমতে

প্ৰণালী:
            মাংস ধুই নিমখ হালধি সানি লব। কেৰাহীত তেল গৰম কৰি আলু আৰু ওলকবি ভাজি উঠাই লব। এতিয়া দুটা পিয়াঁজ তেলত ভাজি লৈ মাংসখিনি দি লৰাই আন দুটা পিয়াঁজ, বিলাহী, আদা নহৰুৰ একেলগে পেষ্ট বনাই লৈ মাংসখিনিৰ লগতে দি ভাজিব। ঢাকোন দি পুনৰ মাজে মাজে লৰাই ভাজি আলু আৰু কবি দিলোঁ লগতে মচলাৰ গুড়িখিনি দি লৰাই ঢাকোন দিব। সকলোবোৰ সিজাত লাইশাকখিনি কুটি লৈ দি অলপ ভাজি নমাই থব। গৰমে গৰমে ভাতৰ লগত পৰিবেশন কৰিব।
                                              ✍সম্পূৰ্ণা কাকতি
         

Comments

Post a Comment

Popular posts from this blog

পইঁতা ভাত Poita bhat

-
Image
নিৰামিষ পইঁতা ভাত/ পন্তা ভাত অসমৰ সকলোৰে প্ৰিয় খাদ্য পন্তা ভাত। বেয়া পোৱা খুব কমেইহে ওলাব চাগে।  ১/ পানী দিয়া ভাতৰ সৈতে নিমখ, তেল আৰু পিয়াঁজ ২/আলু পিটিকা ৩/বাদামৰ চাটনি ৪/পিয়াঁজ, জলকীয়া আৰু পানীটেঙা ৫/পটল, ভেন্দি ভাজি ৬/আচাৰ প্ৰণালী: *ৰাতিয়েই ভাতত পানী দি ৰাখিব। পৰিৱেশনত নিমখ, তেল আৰু পিয়াঁজ ব্যৱহাৰ কৰিব পাৰে। *সিদ্ধ আলুৰ লগত নিমখ, তেল, পিয়াঁজ আৰু জলকীয়া দি পিটিকা কৰিব। *বাদাম ভাজি লৈ বাকলি গুচাই আদা, নহৰু, জলকীয়া, নিমখ আৰু পানী দি মিক্সি ত পিচি লব। *কেৰাহীত তেল গৰম কৰি গোটা জীৰা, শুকান জলকীয়া আৰু পিয়াঁজ দি ভাজি কাটি লোৱা পটল আৰু ভেন্দী, নিমখ, হালধি দি অলপ সময় ভাঁজি বিলাহী এটা কাটি দিব। বিলাহী সিজাত অকণমান গৰম মচলা দি লৰাই ঢাকি দি দুই মিনিট পাছত নমাই পৰিৱেশন কৰক।
Read more
-
Image
তিয়ঁহৰ ৰাইতা উপকৰণ: টেঙা মিঠা দৈ একাপ সৰু তিয়ঁহ এটা মান ধনীয়া পাত চাৰি খিলা।  জিৰা গুৰি আধা চামুচ জালুক গুৰি আধা চামুচ নিমখ সোৱাদ অনুসৰি প্ৰণালী:               প্ৰথমে দৈ খিনি এটা পাত্ৰত লৈ ফেটি লব। এতিয়া তাৰ লগত ৰুকি লোৱা তিয়ঁহ, কুটি লোৱা মান ধনীয়া, ভাজি লৈ গুৰি কৰি লোৱা জিৰা গুৰি, জালুকৰ গুৰি আৰু নিমখ দি ভালকৈ মিহলাই অলপ সময় ফ্ৰীজত ৰাখি পৰিৱেশন কৰক।
Read more

Base for all types of gravy or Curry - আখলঘৰ

-
Image
Base for all types of gravy - আখলঘৰ যিকোনো ব্যঞ্জনৰ বাবে গ্রেভিৰ আধাৰ বা বেচ - আখলঘৰ     ঘৰলৈ সৰহীয়া আলহী অহাৰ খবৰ আহিলে উথপথপ লাগে নহয় জানো। কি ৰান্ধিম, কি খুৱাম, ইমান সোনকালে কেনেকৈ যা যোগাৰ কৰিম। মটৰ পনীৰ, চলে বা বুটৰ ঘুগুনি, মাংস, কোফ্টা, পটল আলুৰ ডালনা, ৰাজমা, কণীৰ দম, ডাল ফ্ৰায় আদিকে ধৰি যিকোনো গ্ৰেভিৰ বাবে এই বেচ টো বনাই লব পাৰে। আগদিনা ৰাতিয়েই বনাই থৈ পাছদিনা মন পছন্দৰ যিকোনো ব্যঞ্জন বনাব পাৰে। ফ্ৰিজত ৰাখি কেইবাদিনো ব্যৱহাৰ কৰিব পাৰে।  উপকৰণ: পিয়াঁজ তিনিটা মধ্যমীয়া আকাৰৰ বিলাহী ডাঙৰ দুটা শুকান জলকীয়া চাৰিটা নহৰু 20 ফুটা আদা এটুকুৰা  তেজপাত দুখিলা লং তিনিটা ইলাচী তিনিটা দাল চেনী এটুকুৰা মিঠাতেল চাৰি টেবুল চামুচ পানী এক কাপ প্ৰণালী: পিয়াঁজ বাকলি গুচাই ধুই লৈ, ডাঙৰকৈ কাটি লব। নহৰু আদা বাকলি গুচাই ধুই লব। বিলাহী ধুই ডাঙৰকৈ কাটি লব। কেৰাহি গৰম কৰি দুই টেবুল চামুচ তেল দিব। তাতে শুকান জলকীয়া, লং, ইলাছি, দালছেনি, তেজ পাত দিব। কাটি লোৱা পিয়াঁজ, আদা, নহৰু যোগ দি দুই মিনিট ভাজিব। এতিয়া বিলাহী যোগ দি মধ্যমীয়া জুইত তিনি মিনিট ভাজি পানী এক কাপ দি লৰা...
Read more